2012 ELKARTASUN KONTZERTUA

Gabonetako jaiak gertu direla, Zumaiako Udal Musika Bandak urtero bezala ELKARTASUN KONTZERTUA ospatuko du hurrengo larunbatean, abenduak 22.

Aurten, osagai berriak erabiliko ditugu: musika eta dantza. Hain zuzen, Astindu Dantza Elkartea eta Zumaiako Capoeira Taldeko gure lagunekin, musika-dantza fusio ikusgarria eskeiniko duen emanaldia prestatu dugu.

Bi zati desberdin izango ditu emanaldiak: lehenengo zatian bi taldeak ezagutu egingo dira eta bakoitzak bere kultura eta oinarriak erakutsiko ditu. Bigarren zatian berriz, bi taldeek bat egingo dute eta elkarbizitzaren nondik-norakoak erakutsiko dizkigute.

Musika estilo anitzak entzun eta disfrutatu ahal izango dira: euskal musikan oinarritutako folklorea, euskal musika sinfonikoa, barroko garaiko musika…

Fusioa oso berritzailea izango da, kontutan izanik Astindu Dantza Taldeak euskal dantza landuko duela, nahiz eta beste emanaldi askotan beste edozein estilo jorratzeko gai diren erakutsi duten ere. Bestalde, Capoeira brasildar dantza tipikoa da. Beraz, ikusgarria izango da emanaldi honetarako prestatu duten fusio-lana. Eta dena ZUMB taldearen musikaren magalean.

Urtero izaten da Bandako Elkartasun Kontzertuarekin batera, proiektu baten aldeko dirulaguntza  eta haren lanaren nondik-norakoaren berri ezagutzeko parada. Aurten, ZUMAIAKO CARITAS izango da gure laguntzaren helburu. Bizi ari garen momentu ekonomiko latzen aurrean, geroz eta haundiagoa da beharra eta horregatik aukera paregabea izango dugu talde zumaiar honen lana ezagutarazteko. Bertan izango dira, beraz, guri beraien proiektua azaltzeko.

Hau dena, larunbatean, Maria eta Jose Ikastetxeko Aretoan, arratsaldeko 7etan. Sarrera doan. Denok zaudete gonbidatuta!

Xixili donearen KONTZERTUA: Guridi monografikoa

XI. Klarinete Maratoia bikainaren "resaka" pasa gabe oraindik, datorren larunbatean Xixili donearen kontzertua dugu: Guridiren Monografikoa.

Komentuan arratsaldeko 7etan, Ainhoa Franco sopranoa gonbidatu berezi gisa. Jesus Guridik idatzitako musika ezagutzeko aukera paregabea. Guztiok zaudete gonbidatuak!

(más abajo en castellano)

Aski ezaguna den Jesús Guridi konpositore eta musikari gasteiztarra, ibilbide aberatsa eta interesgarria izan zuen.

XIX. mendean jaioa, 1886ean hain zuzen, aldaketa historiko eta politiko garrantzitsuenak bizi izan zituen: diktadura, errepublika, gerra zibila...
Estatu mailan, ospe haundiko musikaria bihurtzea lortu zuen eta bere obra historian garrantzitsuenak grabaturik geratu dira. Denok ezagutzen ditugu 10 Euskal Melodia edota Eusko Irudiak, baina izan baditu beste hainbeste ezagunak bilakatu ez direnak: La Meiga, Homenaje a Walt Disney, Peñamariana, Una aventura de Don Quijote, Sinfonía Pirenaica, e.a.
Baina non ikasi zuen? Zergatik bideratu zituen bere urratsak musikara? Zergatik idatzi zuen horrenbeste musika euskal musikan oinarrituta?
Gaur hobeto ezagutzeko parada polita izango dugu eta gehiago sakonduko dugu horren garrantzitsu izan den euskal pertsonai honetan.



El compositor Jesús Guridi, sobradamente conocido músico vitoriano, tuvo un recorrido musical muy rico e interesante.
Nacido en el siglo XIX, concretamente en 1886, conoció los acontecimientos históricos y políticos más relevantes: la dictadura de Primo de Rivera, la República, la guerra civil…
Logró ser un músico de prestigio a nivel de todo el estado y sus obras más relevantes han quedado grabadas en la historia de la música. Son por todos conocidas las Diez melodías vascas ó Eusko Irudiak, pero tiene mucha literatura escrita que no ha gozado del reconocimiento del gran público: La Meiga, Homenaje a Walt Disney, Peñamariana, Una aventura de Don Quijote, Sinfonía Pirenaica, etc.
Pero, ¿dónde realizó sus formación?, ¿Por qué se dedicó a la música?, ¿Por qué basó la mayor parte de su obra en la cultura y música vascas?
Hoy tendremos oportunidad de conocer mejor a este personaje tan importante del panorama histórico-musical vasco.

XI.Klarinete Maratoia

Datorren asteazkenean  hasiko da XI.Klarinete Maratoia,azaroaren 7tik 11ra. Klarineteko bakarkako eta taldekako eskoletaz gain, hona hemen ekintza ezberdinen AGENDA mundu guztiarentzat zabalduta. Ongi etorriak!
(Hemen aldamenean dago informazio gehiago dagoen esteka XI. KLARINETE MARATOIA jartzen duena).

Musika umore onean

• Urriak 6, arratsaldeko 7etan.
• San Telmo kaleko sarreratik Ardantzabidera eramaten gaitun bide hasieran dagoen plazan, Udazkeneko kontzertua. (euria egingo balu, komentuan)
• Guztiok zaudete gonbidatuta Musika umore onean entzutera eta ikustera!

2012/13 denboraldiak dakarrena

2012-X-6, Udazkeneko kontzertua

2012-XI-7/11, Klarinete Maratoia

 

2012-XI-24, Xixili Kontzertua

 

2012-XII-22, Elkartasun kontzertua

“MUSEORA BIXITAN”

DUTCH MASTER SUITE

 johan de Meij

“MUSEORA BIXITAN” joango gara, margolanak ikustera. Zehazki, Amsterdameko Rijksmuseum museora joango gara,  Rembrandt, Vermeer, eta Steenen hiru margolan ikustera (Holandako Urrezko Aroa, XVII. mendea).

Baina ez hori bakarrik: margolanak ikusten ditugun bitartean, Johan de Meij-ek hiru margolanentzat idatzitako musika entzun ahal izango da.

Gainera, Museora Bixitan Ismael Manterola arte adituaren laguntza eta guzti joango gara!

Eskerrik asko aldez aurretik

Zumaiako Musika Bandaren izenean!

Datorren larunbatean, ekainak 9, Arrasateko Amaia Antzokian, arratsaldeko 20:00ean.
Guztiok zarete ONGI ETORRIAK!!!

ZUMB ASTINDU!!!

Udaberria dela eta gorputza mugitzeko garaia iritsi da. Datorren igandean (martxoak 25) Maria eta Jose Ikastetxeko Aretoan,eguardiko 12:30an ZUMB eta ASTINDU dantza taldeak elkarlanean egindako emanaldi ederra!!!
Guztiok gonbidatuta zaudete.

Badator ZUMBen hurrengo kontzertua!

Datorren otsailaren 26an izango da, igandea, eguardiko 12:00etan Komentuan.

Munduari bira emango diogu Musika aitzakitzat hartuta, eta nola ez, guztiok zaudete gonbidatuta!

ZUMBen KAFE MUSIKALAK urte osoan!

Aspaldian buruan geneukan ideia bati forma ematea lortu dugu eta Musika Patronatuaren laguntzarekin, urte osoan zehar antolatuko ditugu Kafe Musikalak.
Horrela, otsailaren 3an Andoaingo Udal Musika Eskolako ikasleen emanaldia izango dugu, Alondegian, gaueko hamarretan hasita.
Kafe Musikalak Klarinete Maratoiaren barruan sortu ziren, formatu txikiko emanaldiak egiteko aukera izan genezan. Baina batez ere, Kafe Musikalak egiten hasi ginen ohiko kontzertuen seriotasuna eta formaltasuna alde batera utzi, eta lagun giroan lasaiean, "kafe baten" aitzakian, musika giro berezi bat sortzeko helburuarekin.
Denetik ikusi eta entzun dugu Kafe Musikaletan, orain arte ia beti klarinetearen bueltan. Adibidez, Carlos Casadó (klar.) eta F. Damián Hernández-ek (pianoa) "Just for fun" diska kaleratu baino lehenagoko emanaldia eskaini ziguten Kafe Musikalen barruan. Urtero-urtero ZUMBkideek ere hartu dute parte Kafe Musikaletan, betiko bandako formatutik irten eta talde txikian arituz. Azken Kafe Musikaletan, berriz, San Pedro Abesbatzak ere parte hartu du. Beste behin poesia eta musika uztartu genituen, musika eta zinea ere bai...
Musikari eta talde profesionalek, baina batez ere, herriko musikariek dute lekua Kafe Musikaletan. ZUMBkideak izan ala ez. Eta hemendik aurrera ere halaxe izango da, baina ez Klarinete Maratoian bakarrik. Baizik eta urte guztian zehar.Hitzordua Alondegian daukagu, otsailaren 3an gaueko hamarretan!